A Taberna do Lelo e a Pesquería do Tambre en Noia, La Chiringuita en Pobra, A Casa do Tella en Porto do Son, Ancoradoiro en Muros e A Barbecho, en Palmeira (Ribeira), son os establecementos da nosa comarca incluídos na Guía Repsol deste ano, concretamente nunha nova cualificación, Os Soletes, na que se distinguen os “os establecementos de toda índole que son un punto de referencia nas nosas vilas, barrios e cidades, polo rico das súas tapas, racións ou menús, o seu encanto e o seu ambiente”.
En total, a nivel estatal distínguense este ano un milleiro de locais repartidos polas 50 provinciais españolas, reunindo Galicia a cifra de 63. Esta nova cualificación pretende pór en valor os establecementos máis emblemáticos e populares, frecuentados por todo o mundo e que habitualmente non figuran nas guías gastronómicas.
Quen desexe consultar esta nova clasificación da Guía Repsol pode facelo de xeito online.
