Boiro comeza o seu verán cultural con enerxía, o que se traduce nunha axenda especialmente completa para esta primeira fin de semana de xuño. O programa comezará con Jano Costas, que estará no mediodía deste sábado 26 na Feira Eco-lóxica de Boiro, na praza da Terceira Idade (detrás do Centro Social) a partir das 12.00 horas.
Forma parte da proposta clown-circense-teatral Jano sen medidas. A capacidade do aforo será limitada (cómpre reservar as entradas na web municipal, www.boiro.gal).
Na mesma xornada do 26, un pouco máis tarde e nun emprazamento diferente (o Mercado da Serea que se celebra no recentemente restaurado Pazo de Goiáns), será a quenda do grupo Mallou, a partir das 12.30 horas. Tamén terá capacidade limitada (as entradas, de feito, están xa esgotadas).
Sen marchar do Mercado da Serea, no Pazo de Goiáns, a banda The Cuncas tomará o relevo musical pola tarde, a partir das 19.30 horas do sábado 26 de xuño (entradas novamente esgotadas).
Ao día seguinte, domingo 27, a actividade cultural trasládase novamente á praza da Terceira Idade, no Centro Social de Boiro. O protagonismo recaerá na agrupación local de ballet Cen Pliés. Que ofrecerá un espectáculo de baile. A capacidade do aforo será novamente limitada (hai que reservar entradas en www.boiro.gal).
