O Concello de Boiro e a Asociación de Mulleres do mar de Arousa trazaron liñas de traballo conxunto para elaborar propostas que axuden a dar visibilidade ás mulleres do sector do mar.
Mulleres do mar de Arousa é a primeira asociación de mulleres do sector pesqueiro de carácter autonómico e que traballa co obxectivo de crear un Observatorio Galego de Igualdade no sector do mar. A asociación convida a todas as mulleres galegas do mar a unirse para sumar forzas e realizar propostas que axuden ao recoñecemento e agradecemento da labor das mulleres e tamén para mostrar a necesidade de potenciar o relevo xeracional do sector.
Así, a Asociación de Mulleres do Mar de Arousa xunto co Concello de Boiro traballan xuntos para promover iniciativas que axuden a reivindicar a igualdade nos distintos ámbitos profesionais, neste caso no sector pesqueiro e do mar.
