As confrarías da Coruña comparecen como codemandadas no recurso do Ministerio contra o plan xeral do marisqueo.
As confrarías da provincia da Coruña informaron, este mércores, de que comparecerán como codemandadas no contencioso aberto polo recurso do Ministerio para a Transición Ecolóxica contra o plan xeral do marisqueo de Galicia. A Federación Provincial de Confrarías de Pescadores da Coruña censura que ese recurso “pode ter moi graves consecuencias para o sector”, pois 23 depósitos coruñeses contan con plans de recursos marisqueiros.
Mentres un estudo, realizado en colaboración entre a Universidade de Santiago de Compostela (USC) e a Consellería do Mar, mostra que a vieira é un dos mariscos con menor impacto ambiental na súa produción. Para este estudo contouse coa participación de 14 patróns de embarcacións e o xerente da planta de eviscerado do porto de Cambados. Así, avaliáronse aspectos como os consumos de diésel dos barcos de pesca e a electricidade da factoría.
Igualmente, a titular de Mar remarcou que a vieira está “profundamente ligada ao produto gourmet da cociña galega e un recurso de primeira calidade capturado nun enclave privilexiado como son as rías galegas”.