O Azkuna Zentroa de Bilbao vén de acoller a presentación das novas tempadas da Eusko Label Liga e da Euskotren Liga. Na cita cos medios participou o alcalde de Rianxo, presidente da Mancomunidade Barbanza Arousa.
Os clubs arroupados polas institucións e patrocinadores, como é o caso da mancomunidade da nosa comarca, deron deste xeito o pistoletazo de saída a unha tempada 2021 que, segundo coincidiron, prevese máis emocionante que nunca.
EUSKOTREN LIGA
Nesta tempada será a primeira edición da Bandeira Barbanza Arousa, cita deportiva prevista para Rianxo o día 7 de agosto. Ao día seguinte, 8 de agosto, celébrase a Bandeira Concello de Boiro. “Trátase dunha aposta polo turismo náutico en Barbanza Arousa, cunha ría que goza de condicións de navegabilidade idóneas para numerosas actividades de lecer os 365 días do ano”, sinalou a Mancomunidade.
O sorteo deparou as seguintes quendas: na primeira vogarán Ondarroa Cikautxo, Go Fit Hondarribia, Zierbena Bahias de Bizkaia e Bermeo Urdaibai Avia. Na segunda quenda participarán Lekittarra Elecnor, Ares, Orio Orialki e Santurtzi T. e G. Augado, mentres que na terceira quenda vogarán Tirán Pereira, CR Cabo de Cruz, Donostiarra Amenabar e Zarautz Guesalaga Okelan.
