O Concello de Porto do Son informou de que o prazo de rexistro para participar nas actividades de lecer e conciliación de Movida Urbana 2021 estará aberto ata o 25 de xuño, a través do Rexistrou a Sede Electrónica de Porto do Son. A listaxe de admitidas e admitidos publicarase o primeiro de xullo.
Para máis información sobre este programa de verán, que se vai desenvolver en Porto do Son e Portosín, cómpre contactar coa área de Deportes de Concello a través do correo deportesdoson@gmail.com ou ben do número 981 767 758.
O campamento Movida Urbana desenvolverase entre o 12 de xullo e o 19 de agosto. Está especialmente dirixido a nenas e nenos de entre 3 e 12 anos. Crearanse grupos reducidos de crianzas e cada monitor ocuparase de 10 participantes. Haberá 50 prazas para as actividades de Portosín e 70 para as de Porto do Son.
Como dixemos, nesta edición terán prioridade os menores de entre 3 e 12 anos, que estean empadroados no municipio ou cuxos proxenitores se encontren traballando. As actividades desenvolveranse de luns a xoves, en horario de 10:00 a 14:00 horas.
Os interesados deberán inscribirse do 7 ao 25 de xuño. Ao entregar a documentación, terán que marcar unha das opcións e anexar un certificado de empadroamento, ademais dun xustificante conforme se encontran a traballar. Con todo, o 1 de xuño farase pública a listaxe de admitidos e as familias deberán pagar a cantidade requirida: 40 euros por neno, aínda que haberá bonificacións.
