A variante da Xunta en Ribeira é a máis idónea segundo un estudo técnico independente

A empresa Iceacsa, que o Concello de Ribeira contratou para a realización dun estudo sobre a mellor alternativa para a futura variante concluiu que a proposta da Xunta é a máis idónea para resolver as carencias de fluidez circulatoria.

Tres eran as opcións obxecto de estudo: o proxecto da Xunta, o traballo fin de máster do estudante de enxeñería Afastando Piñeiro que no 2018 recibiu o premio Ovisa e a mellora da estrada DP-7301. Esta última posibilidade quedou descartada porque segundo a técnica Marta Rodríguez non resolve o problema do centro urbano. pero pode ser útil para ir a Carreira ou a Aguiño.
As propostas da Xunta e a de Alejandro Piñeiro, ningunha das cales é definitiva debido a que en ambas debe elaborarse o proxecto construtivo. No caso da circunvalación deseñada por Piñeiro o resultado final diferirá moito máis que no da Xunta, porque ao tratarse dun traballo de fin de máster hai cuestións que non están recollidas.

En cada unha das opcións, os técnicos avaliaron catro aspectos: ambiental, social, a incidencia do tráfico e o desenvolvemento futuro de Ribeira.

Na presentación efectuada no salón de plenos, a ténica Marta Rodríguez detallou os cálculos realizados e os criterios seguidos. Tras preto dunha hora de exposición acompañada de mapas e gráficos, a técnica concluíu que a alternativa de Alejandro Piñeiro está máis pensada para un tráfico de longo percorrido que busque evitar o centro urbano, pero o que se pretende é unha mellora da accesibilidade incidindo en que o de Piñeiro é un excelente traballo.

A proposta da Xunta establece oito conexións distribuídas ao longo dos máis de tres quilómetros de percorrido, mentres que a de Piñeiro prevé dúas glorietas, unha delas na estrada DP-7305.

Video rolda de prensa presentación informe: https://fb.watch/63klwCPnFS/