A Deputación xa pagou o 85% das axudas á hostalería do Plan Reactiva

21 Xuño 2021

A Deputación da Coruña fixo balance das súas axudas para o sector hostaleiro do seu Plan Reactiva, uns apoios que veñen cunha contía total de 25 millóns de euros para os ámbitos de actividade “máis afectados pola pandemia”. A Deputación tamén presentou os detalles do segundo Reactiva. No caso das axudas á hostalaría, alcanzarán os 4,5 millóns de euros.

Un 85% das axudas pagadas

No seu balance, o presidente Valentín González e o deputado de Emprego José Ramón Rioboo sinalaron que das 3.000 solicitudes recibidas, 2.530 xa foron abonadas Ou sexa, o 85% das mesmas. O 86% dos beneficiarios son bares e restaurantes, o 10% de hospedaxe, o 3,6 % axencias de viaxe e o 0,4% discotecas e salas de festas.

“Todas as axudas, incluídas as das empresas das grandes cidades, foron tramitadas directamente pola Deputación cun tempo medio de pago de 8,2 días, un auténtico récord para calquera administración que se debe ao gran traballo do departamento de Promoción Económica e Emprego”, afirmou o presidente, que detallou que a vindeira semana estarán pagadas o 100% das axudas.

O deputado de Emprego explicou que as axudas son de 1.500 euros por negocio e que o 86% dos beneficiarios son bares e restaurantes, seguidas das empresas de hospedaxe (10%) e axencias de viaxe (3,6%) Por último, soamente 11 salas de festa e discotecas presentaron solicitude ás axudas de PEL-Reactiva II, o que supón o 0,4% do total.

Boiro achegou 16 solicitudes e xa recibiu 15.

Dodro achegou 7 peticións e xa foron atendidas todas, o mesmo que en Lousame (con 6 solicitudes).

En Muros contabilizáronse 30 peticións e foron pagadas 28.

En Noia, das 24 contabilizadas, 21 foron abonadas.

Na Pobra houbo 9 solicitudes, das que cales foron cubertas 8.

En Porto do Son rexistráronse 15 peticións, das que xa se pagaron 9.

En Rianxo houbo 7 peticións, das cales pagáronse 6.

En Ribeira contabilizáronse 53 e abonáronse 29.

Outros artigos

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...