A Cofradía da Dorna organiza este ano eventos simbólicos ao non celebrarse a tradicional festa

Dende a Cofradía da Dorna estase traballando nunha serie de eventos simbólicos (recalcamos que non é festa coma tal) co gallo de homenaxear a festividade, que coma no pasado ano, non poderá realizarse debido á pandemia que estamos a vivir.

Xa podemos anunciar que haberá unha ruta de tapas, bautizada como “Estrellas Mijelín” que este ano chega á súa sétima edisión e que durante o día 23 e 24 de xullo terá lugar nos distintos locais hostaleiros da cidade, un xurado de alto nivel e formado “polo máis selecto da crítica jastronómica” será o encargado de decidir quen elabora as mellores tapas da centenaria. Os establecementos interesados en participar teñen de prazo ata o 25 do presente mes.

Por outra banda, tamén informamos que este ano haberá un concurso de “enjalanamento de casas, comersios e locais da hostalería”, coa finalidade de homenaxear á festa máis rachada e non deixar decaer o ambiente dorneiro, entregaranse varios premios en cada categoría. Neste caso o prazo remata o 1 de xullo.

As persoas interesadas en anotarse en calquera destas dúas actividades deben facelo en secretariadorna@gmailcom e nos vindeiros días serán publicas as bases nas redes sociais.