Tania Vidal presentou o seu recital de fin de grao

A estudante boirense de piano Tania Vidal Pintos ofreceu este martes 18 de maio o seu recital de fin de grao profesional no Conservatorio Profesional de Música de Ribeira. A artista interpretou composicións como Fantasía XXV en dom, de Johan Sebastian Bach ou Claro de Lúa, de Claude Debussy.

Tania Vidal, nada en Boiro, comeza os seus estudos na música co piano, influenciada polo seu avó paterno Salvador, músico e compositor da vila. A continuación cursa os estudos oficiais no Conservatorio de Música Profesional de Ribeira, realizando o grao elemental en tan só dous anos académicos. Doutra banda, Tania asiste a clases maxistrais con pianistas de prestixio internacional como Neus Estarellas.