O Concello de Rianxo organizará o Campamento de Verán e Plan Madruga 2021 co ánimo de favorecer que os nenos e nenas do municipio participen en actividades lúdicas, deportivas, culturais e ambientais, así como contribuír á conciliación da vida familiar e laboral, sempre respectando as medidas de prevención da COVID-19.
A iniciativa está destinada ós rapaces en idade escolar, nados entre o 2009 e o 2017 (ambos incluídos), cun total de 130 participantes na actividade Campamento e de 20 participantes na actividade Plan Madruga. As actividades, por mor da COVID-19, terán lugar en distintos espazos para facilitar a asistencia dos nenos de tódalas parroquias.
Por un lado no Pazo de Rianxiño habilitaranse un total de 50 prazas para o Campamento e 10 para o Plan Madruga. O CEP Brea Segade de Taragoña contará con 40 prazas e 10 para o Plan Madruga e o Ceip Ana Mª Diéguez de Asados 20 prazas de Campamento. Por último a Casa da República de Isorna ou Centro Cultural de Leiro 20 prazas.
O Campamento de Verán comezará o vindeiro 5 de xullo ata o 27 de agosto, en horario de luns a venres, de 10:30 a 13:30 horas, e o Plan Madruga en horario de 08:00 a 10:30 h. O prazo de inscrición comezará a principios do mes de xuño, e o Campamento terá un custo de 80 euros e o Plan Madruga de 15 euros. O Concello activará bonificacións
e descontos para familias numerosas e prazas gratuítas para familias derivadas dos Servizos Sociais.
