Estes últimos días de maio o concello de Porto do Son segue a ser unha importante fonte de novidades en materia de rehabilitación, humanización e posta a punto de infraestruturas, servizos, equipamentos e tesouros patrimoniais.
Entre estas actuacións inclúese o acondicionamento da contorna do lavadoiro e os muíños da Igrexa de Noal.
O Concello tamén informou do remate das obras de humanización da rúa da Fonte en Portosín. Segundo fixo saber o Goberno local, “foi esta unha obra moi demandada pola veciñanza, que logrou mellorar o aspecto xeral da rúa, redefinindo o ámbito e dando prioridade ao peón”. Os traballos incluíron a renovación do pavimento, a restauración da fonte recuperando o seu esplendor orixinal e e supresión das barreiras arquitectónicas da zona.
Amais de todo o devandito, dende o Concello procedeuse a poñer a punto a contorna da fonte e o lavadoiro de Agrelo.
Os traballos tamén se estenderon á contorna de Fonte Santa de Noal.
