O PP rianxeiro carga contra a xestión do Goberno local por levar a débeda aos tres millóns de euros


O grupo do Partido Popular no Concello de Rianxo, a través do seu portavoz, Germán Allut, criticou hoxe a xestión realizada polo Goberno local, ao que acusa de incrementar a débeda municipal en case tres millóns de euros a pesar da subida de impostos e o nulo investimento en proxectos locais durante os últimos anos.
“Os veciños de Rianxo non poden aguantar nin un día máis que o señor Muiños lles faga responsables da súa xestión a base de pagar cada vez máis impostos”, denunciou Allut, quen avanzou que o rexedor incrementou o IBI e o Imposto sobre Vehículos Sobre Tracción Mecánica (IVTM) para tratar de diminuír a débeda municipal nos próximos dous anos.
Neste sentido, o portavoz do Partido Popular incidiu en que, baixo o mandato do actual equipo os veciños de Rianxo soportaron como a partida de impostos incrementouse en 674.000 euros dos que, tal e como dixo Allut, ningún foi a parar ao capítulo de aforro.

Desde o Partido Popular de Rianxo aproveitaron tamén para asegurar que o Goberno local desviouse un -58% da previsión de aforro que se marcou , un feito que, segundo Allut, confirma o “desastre absoluto” na xestión económica municipal.
“O único que podemos sacar en limpo de todos estes anos é que o executivo local non cumpriu nin un só dos obxectivos que tiña establecidos nos seus plans de axuste”, afirmou Allut.