O Concello de Ribeira informou de que o vindeiro luns 10 de maio vai reabrir as súas portas o mercadiño de Aguiño.
Novamente os postos de venda emprazaranse na rúa Castelao, na contorna do campo de fútbol da Tasca. Ao igual que o ano pasado, aplicaranse os protocolos COVID en canto a separación entre postos, posta a disposición de dispensadores de xel, etc…
Estará aberto de 9 a 14 horas.
O Concello lembra que esta iniciativa xurdiu no ano 2018 “como unha maneira de axudar a dinamizar a localidade nas estacións de primavera e verán”. Normalmente adoita congregar cada luns arredor de corenta postos, habendo tanto de alimentación como de téxtil e complementos.
