O BNG compareceu este 18 de maio para presentar unha iniciativa que levarán ao Parlamento de Galicia na que expoñen seu rexeitamento ao feche das oficinas de Abanca de Palmeira e Escarabote.
Dende o BNG explican que “tralas fusións e contradicindo as normas de competencia, as entidades pactaron horarios de caixa obrigando ás e aos usuarios a ir nas primeira horas da mañá”. Ademais declaran que “as enormes colas non se deben á limitación de aforo senón á falla de persoal”. Isto orixinou que, a pesar das mobilizacións veciñais, Abanca continúa co seu propósito de pecharas oficinas que ten en Palmeira (Ribeira) e en Escarabote (Boiro).
Esta situación, segundo os nacionalistas, prexudicaría ós veciños de ambos os dous lugares á hora de operar e realizar trámites en Abanca. “Isto vai a provocar que os cidadáns dependan doutras persoas para operar de xeito dixital, por exemplo. Ademais da perda de servizos para a poboación, isto tamén ocasionará a perda de postos de traballo”, afirman dende o BNG.
Ante iso, o Bloque vai demandar no Parlamento de Galicia a realizar todas as accións precisas diante da dirección de Abanca para evitar o peche das oficinas de Palmeira e Escarabote, Ademais pedirán exercer as súas competencias exclusivas en materia de consumo para garantir que Abanca preste servizos de calidade, co persoal e coa poboación.
