O Concello de Porto do Son proseguiu estes días os seus traballos para acondicionar e mellorar as infraestruturas e os servizos municipais de cara ao desfrute de veciñanza e visitantes. Desta volta, tocoulle ás pasarelas de madeira que contornan as praias de Coira e Aguieira.
O obxectivo, amais de mellorar a súa estética, foi garantir a seguridade das persoas usuarias de cara a tempada de verán.
Os traballos foron realizados en colaboración con Protección Civil de Porto Son. Consistiron nun baldeo das pasarelas e un labor de tratamento da madeira para garantir a súa conservación.
