A Consellaría da Sanidade efectuará este sábado 22 de maio unha cribaxe mediante PCR á veciñanza da Pobra con idades comprendidas entre os 20 e 40 anos, o cal se traduce en aproximadamente 1.900 persoas. As probas realizaranse no centro de saúde da localidade e será o propio SERGAS o que envíe a convocatoria mediante SMS. Prégase asistir e respectar a hora e data da cita para evitar aglomeracións.
A Administración local colabora na organización da loxística prestando o apoio que se requira. Neste senso, a Concellaría da Sanidade, que dirixe Patricia Lojo (PSdeG-PSOE), e a Concellaría da Seguridade, da cal é titular o seu homólogo José Andrés Lojo (Nós Pobra), mantiveron esta mañá unha xuntanza co xefe da Policía local, José Manuel Cameán, e co da Protección Civil, David Cardalda.
O Concello da Pobra do Caramiñal pide a colaboración da cidadanía para que asista á cita.
Por outra banda continúa a vacinación fronte á Covid-19 na Área de Santiago de Compostela e Barbanza. Mañá Sábado 22 de Maio hai máis de 4.350 persoas citadas: no Hospital Barbanza: Máis de 350 persoas (de 70 a 79)
Cidade da Cultura: 4.000 personas (de 50 a 59)
O domingo 23 de maio hai máis de 6.000 persoas citadas das cales no Hospital Barbanza: Máis de 1.000 persoas (de 60 a 69) e na Cidade da Cultura: máis de 5.000 personas (de 60 a 69 Anos).
Na área sanitaria Compostelá lévanse administradas 282.206 vacinas ata onte, 20 de maio.
