O Concello de Ribeira informa de que está levando a cabo unha nova actuación consistente na pavimentación dun tramo da rúa do Almacén, na localidade da Ameixida.
A iniciativa, que se localiza xunto á pista multideporte alí emprazada, comprende a extensión de 32 toneladas dunha mestura bituminosa en quente sobre 223 metros cadrados de calzada, previo acondicionamento da superficie e instalación dunha base granular de zahorra artificial. Tamén se procedeu a limpar marxes e cunetas.
A intervención está sendo executada pola empresa Nemesio Ordóñez, S.A., e comporta un investimento de 4.430 euros, IVE incluído.
