A sala de actos do Centro Cultural Lustres Rivas proseguiu na tarde de onte co ciclo de charlas “Arte e palabra” nas que profundos coñecedores da vida e a obra dos creadores presentes na exposición “5 artistas do Barbanza”
inciden nos aspectos máis salientables dos mesmos.
Nesta ocasión a actividade foi dobre: dunha parte Manuel Cartea disertou sobre Manuel Ayaso e a continuación Eva Veiga fíxoo de Alfonso Costa, logo das palabras introdutorias da concelleira de Cultura María Sampedro.
Ao igual que a semana pasada completouse o máximo do aforo cunha vintena de asistentes, incluíndo por suposto cos dos autores retratados.
A actividade concluirá o vindeiro mércores 2 de xuño coa ponencia do profesor Xosé Manuel Monterroso Montero en torno á escultora Soledad Penalta. Será ás 20.30 horas.
“Arte e Palabra” está organizado polo Concello de Ribeira coa colaboración da Fundación Museo de Artes e a Asociación Cultural Barbantia.
