En Frións o Concello pavimenta o camiño do Agro do Pinche

O Concello de Ribeira informa de que se procedeu ao pavimentado dun camiño en Agro do Pinche, no lugar de Frións, na parroquia de Carreira.

Operarios da empresa Nemesio Ordóñez, S.A., encargáronse desta actuación na que se estenderon na vía en cuestión 43,20 toneladas de mestura bituminosa en quente, previa demolición do pavimento de formigón en masa, limpeza de bordes e cuneta e dotación dunha base de saburra artificial.

A intervención comportou un investimento de 5.546 euros, IVE incluído.