En Aguiño a Xunta colaborara na posta en valor do denominado Porto Fenicio

Peirao da Covasa

A deputada do Parlamento de Galicia Ana García transmitiu ao alcalde Manuel Ruiz a boa predisposicion do Goberno Autonómico en canto a colaborar co Concello de Ribeira na investigación, recuperación e posta en valor do Peirao Fenicio, situado na Covasa en Aguiño: un estremo que confirma a propia percepción recibida polo rexedor ribeirense durante as súas xestións coa Xunta para acadar o seu apoio na preservacióne dinamización deste enclave. Cómpre lembrar que o Concello de Ribeira leva máis dun ano traballando con este obxectivo e que solicitou no verán pasado á Demarcación de Costas do Estado a concesión administrativa necesaria para poder actuar neste elemento fundamental dentro do patrimonio arqueolóxico do municipio.