Segue a vacinación na área sanitaria de Santiago-Barbanza, mañá xoves están convocados no Hospital de Barbanza máis de 1.000 persoas de 70 a 79 anos. En Santiago á Cidade da Cultura son chamados preto de 6.900 persoas de 70 a 79 anos e no Hospital Clínico: 700 persoas (colectivos esenciais.
En canto á xornada de onte no Hospital da Barbanza participaron o 80,10 % dos 801 convocados. Na área sanitaria Compostelá lévanse administrado 273.091 vacinas ata onte, 18 de maio.
Por outra banda medio centenar de farmacias de Barbanza manterán a súa colaboración coa Consellería de Sanidade para realizar un cribado gratuíto de saliva para poder detectar a presenza de covid. Hai un mes que se iniciou esta iniciativa nas boticas de toda a provincia, pero estas probas só ían dirixidas a un grupo concreto de idade: os adolescentes de entre 12 e 17 anos. Desde esta tarde amplíanse os posibles beneficiarios, xa que poderán facer o test todas as persoas cuxa idade estea comprendida entre os 12 e os 64.
Poderán realizar esta proba gratuíta todas aquelas persoas que non desen positivo en covid no últimos tres meses, que non sexan contacto directo dun contaxiado e que non realizasen unha PCR en 15 días.
