O Concello de Ribeira informa do comezo das obras de pavimentado con caucho continuo e remodelación do parque infantil do colexio de Artes: unha actuación que está sendo executada pola empresa SunneGaliza S.L.U.
A intervención persegue, en palabras do Concello, “ampliar a zona de xogos coa colocación dun rocódromo e dous resortes que se suman aos cinco xogos xa existentes, que se disporán sobre un novo pavimento de caucho continuo rodeado de herba artificial ata completar dunha área de actuación de 300 metros cadrados”.
Pluviais
Ademais,será instalada unha liña de pluviais para evitar empozamentos, formada por unha tubaxe de 75 metros de lonxitude, 3 pozos de rexistro e 4 arquetas.
Comporta un investimento de 27.805 euros e o prazo de execución son dous meses.
