Clara Pino e Pablo Vidal homenaxearán mañá, 25 de maio, a Xela Arias. Desta forma, o Auditorio do Museo Valle-Inclán albergará a partir das 20:00 horas a charla musicada Irás, Dirás, Virás.
Os músicos ofrecerán así un achegamento á poeta dende a amizade, a súa obra e a musicalización dos seus poemas. Esta actividade adscríbese á programación impulsada con motivo do Día das Letras Galegas dende a Concellaría da Cultura da Pobra do Caramiñal.
O espectáculo seguirá as medidas establecidas por mor da COVID-19. Por iso, as persoas interesadas en asistir débense anotar a través do teléfono de contacto 981831545.
