Boiro fará visitas guiadas para coñecer o estado das obras do Pazo de Goiáns


O Concello de Boiro vén de anunciar a organización das visitas guiadas ao Pazo de Goiáns para que a veciñanza poida coñecer como avanzan as obras de rehabilitación do inmoble. As visitas terán lugar os días 16 e 17 de maio e serán de grupos reducidos e con reserva previa dentro dun prazo que abrirá este martes.
A iniciativa, que se atopa no marco da programación prevista para celebrar o Día das Letras Galegas, levarase a cabo o domingo 16 de maior, en horario de 11:00 a 14:00 horas e de 17:00 a 20:00 horas. Doutra banda, o luns 17 só se realizará en horario de mañá, de 11:00 a 14:00 horas. As visitas permitirán a tódalas persoas interesadas poder coñecer o estado da execución das obras dentro do inmoble e ver tamén as tarefas de acondicionamento que se están a realizar nos xardíns.
O número de prazas dispoñibles para a visita é de 200, repartidas en grupos reducidos no horario previsto para garantir que se cumpran todas as medidas de seguridade fronte á COVID-19. A inscrición previa pode realizarse a partir deste martes día 11 de maio a través da web, cubrindo o formulario dispoñible, ou vía telefónica: 982 84 26
54.