O presidente da Federación Nacional de Confrarías, Basilio Otero, acusou ao “Ministerio de Sanidad” de ” ningunear” ao sector pola súa negativa vacinar aos traballadores da pesca, o que supuxo unha “decepción” entre o ámbito do mar
En declaracións aos medios, Otero afeou a que a situación continúa “igual que fai catro meses”, cando no mes de decembro o sector comezou a demandar que no deseño da campaña de vacinación fosen tidas en conta as características dos traballadores do mar.
“Desde decembro levamos pedindo que se nos vacine e non pedimos prioridade senón especificidade. Somos un sector especial, específico; que non podemos gardar distancia de seguridade. Ademais, no mesmo barco hai xente con distintos tramos de idade e mesmo xente de distintas áreas sanitarias e iso deberíase de ter en conta”, subliñou.
O armador de Burela protesta porque se lles trasladou que recibirán a vacina “cando toque”, unha resposta que se deu en decembro e que se repetiu tras a última reunión do Consello Xeral do Instituto da Mariña celebrado recentemente.
