Amicos pecha un convenio de colaboración con Vegalsa para a limpeza de praias

Na mañá de hoxe Amicos asinou un convenio de colaboración con Vegalsa para contribuír no patrocinio das limpezas de praias que se farán durante o verán de 2021 por parte dos integrantes da asociación, enmarcadas dentro do programa RE-MAR, proxecto de custodia ambiental para a redución de residuos no espazo mariño protexido das Rías Baixas.
Esta colaboración pechouse no PALEXCO da Coruña dentro da Xornada RSE – Diversxs. O resto é igua” organizada por  Vegalsa-Eroski .  Trátase do encontro anual de sensibilización social deste grupo empresarial, onde se poñen en valor o traballo das diferentes persoas que fan posible a Responsabilidade Social en Vegalsa-Eroski e o das entidades sociais coas que colaboran cada día, como é o caso de Amicos.
Miguel Cancelas, usuario de Amicos, explicou a todos os presentes o labor da asociación e o seu día a día no centro: “É un pracer para min contar a miña historia e a miña vida dentro do Fogar Amicos”, indicaba Miguel.
“Queremos que os últimos sexan os primeiros e continuar sendo activistas do cambio”, expoñía Xoán España, director Xeral de Amicos.
Gabriela González, directora de RSE de Vegalsa foi a encargada de firmar o convenio de colaboración e Ricardo Castro, xerente de Área de Medio Ambiente de Vegalsa, entregou o cheque a Xoán España e Miguel Cancelas cun valor de 8.000€.
O equipo do grupo empresarial Vegalsa concluíu que este verán tamén participarán na limpeza das praias xunto aos compañeiros da entidade social. Os membros de RSC da empresa xa se pasaran fai unha semana a coñecer o Centro de Atención Integral en Comoxo. “Os invito a todos a que os paséis a conocer la labor de Amicos en Boiro, porque nosotros quedamos muy sorprendidos”, indicaba Gabriela González, directora de RSE de Vegalsa.