A Confradía de Pescadores de Aguiño acolleu esta mañá a obra de Fernando Patricio Cortizo ” O mergullador Atlántico”. Unha obra que recolle 30 relatos resultado da colaboración do autor no programa da Radio Galega “Pensando en ti”.
Trátase de contos e relatos con salitre, gardados e custodiados nas privilexiadas mentes dos nosos maiores, que agroman ao redor do lume das lareiras, ao calor dunha cociña de leña, entre o balbordo das tabernas mariñeiras, polos recunchos dos peiraos, polas corredoiras costeiras e en calquera sitio que sirva para admirar a beleza engaiolante do noso mar.
Nas súas 240 páxinas este coruñés, Fernando Patricio Cortizo publica a súa sétima obra na que as hisrtoias mariñeiras e os naufraxios son o argumento principal das mesmas.
A obra, de edición persoal e de distribución limitada pódese pedir en fernando_pecio@hotmail.com
