A Fundación Celta organiza o seu Campus de Verán en Ribeira do 16 ao 20 de agosto

A Fundación Celta volveu a incluír A Fieiteira (Ribeira) entre as sedes deportivas dos seus Campus de Verán. A rapazada poderá gozar desta experiencia entre os días 16 e 20 de agosto. Haberá descontos para os xogadores dos clubs do concello de Ribeira. A cota de inscrición inclúe unha camiseta, un pantalón e un par de calcetíns Adidas de adestramento do RC Celta e inscribíndose antes do 4 de xuño as e os participantes recibirán unha 2ª camiseta. Máis información sobre datas, instrucións para a matrícula e emprazamentos na web da Fundación Celta.

Que é o Campus de Verán da Fundación Celta?

É unha actividade lúdico-deportiva organizada pola Fundación Celta durante o período vacacional do verán, que utiliza a práctica do fútbol como fío condutor para cubrir unha serie de obxectivos. Por exemplo: practicar unha actividade física ao aire libre que permita aos novos deportistas relacionarse con outros deportistas, mellorar as súas habilidades futbolísticas principais utilizando a metodoloxía de adestramento RC Celta ou, tamén, reforzar unha formación integral básica que lles permita desenvolverse como persoas (referente a valores, hábitos saudábeis, comportamento, etc).

O campus está dirixido a nenos/as entre 4 e 16 anos.