“A Covid-19 no sector marítimo-pesqueiro”. Antón Luaces

“Os mariñeiros (galegos) non están vacinados porque a Xunta non os quere vacinar”. Esta é a sentenza ditada polo portavoz de Sanidade do Grupo Socialista no Parlamento galego, Julio Torrado, para quen a Xunta mente e cae na irresponsabilidade: “emprega a vacinación para confrontar” responsabilizando da situación ao Estado sen lembrar que Euskadi e Cantabria xa teñen vacinados a todos os seus mariñeiros “porque o goberno basco así o quixo, igual que o poderìa querer a Xunta”.

Cando o goberno galego decidiu incluir priorizar a vacinación das traballadoras do SAF foi “unha decisión do goberno autonómico, que non todos os gobernos están a tomar e Galicia sí, e ben tomado está, cando Euskadi e Cantabria deciden vacinar aos mariñeiros, tamén é unha decisión autonómica que nos parece ben”. Polo tanto, “si Galicia non os vacina é porque non o decidiu” tendo poder para telo feito.Para Julio Torrado a Xunta debe deixar de empregar argumentos espurios para afrontar e atacar ao Estado e comezar a utilizar as 100.000 vacinas que deixa cada día sen lles dar uso.

Esta formulación do portavoz de Sanidade dos socialista galegos producíuse cadrando con que dous mariñeiros afectados por un brote da variante india da COVID-19, tripulantes dun buque estranxeiro, foron ingresados nun hospital de Vigo, e o comité clínico prepara a súa reunión do xoves na que dará a coñecer as medidas que se van aplicar na Comunidade autónoma de Galicia unha vez remate o estado de alarma decretado por mor da pandemia de coronavirus.

Coa hospitalización por COVID-19 estabilizada e con menos casos desta pandemia rexistrados, Galicia segue pendente dos seus mariñeiros, que non recibiron as doses correspondentes de vacina en función das súas respectivas idades.