O municipio de Ribeira afrontará o seminario da Universidade de Santiago Camiños de coñecemento e experiencia, unha actividade promovida pola USC co fin de por en valor e democratizar o coñecemento a través das persoas maiores a través dos estudos regrados universitarios do IV Ciclo da USC.
As xornadas están destinadas a persoas maiores de 50 anos e pretenden un chamamento á formación continua tamén fóra das cidades universitarias, unha idea promovida polo IV Ciclo da USC. A actividade desenvolverase entre o día 3 e o 10 de maio en horario de tarde no Centro Cultural Lustres Rivas. Nesta quinta edición a formación presencial completarase cunha saída ao Parque Periurbano de San Roque e outro a Noia para coñecer o gótico mariñeiro.
O prazo para matricularse arranca má martes e estará aberto ata o 29 de abril de 2021. Así, tódolos maiores de 50 anos interesados en participar deberán formular a súa inscrición a través dun correo electrónico co nome e apelidos, DNI, lugar de residencia e teléfono de contacto a normalizacion@ribeira.gal ou presencialmente no Centro Cultural Lustres Rivas en horario de mañá.