Porto do Son presume dos seus tesouros paisaxísticos e naturais terra adentro

A fervenza nunha imaxe do blog Fervenzas de Galicia

O Concello de Porto do Son ofrece ós amantes da natureza a posibilidade de realizar a Ruta da Fervenza de Ribasieira, un dos espectáculos máis impresionantes do municipio.

A camiñada, de máis de 14 quilómetros, discorre pola serra do Barbanza. Desta forma, pódense apreciar as vistas sobre a ría e o océano Atlántico. A ruta tamén permite visualizar a beira do curro da Enxa, en propiedade da Comunidade De Montes de Baroña, onde se celebra a rapa para marcar os cabalos cada ano.

Doutra banda, a través do miradoiro do parque eólico, pódese contemplar a aldea de Bustiguillade e a capela da Madanela.