O sector turístico de Ribeira achega diferentes propostas ao bono #QuedamosEnGalicia

O Concello de Ribeira vén de informar da importante presenza das empresas do municipio na oferta integrada no Bono Turístico #QuedamosEnGalicia promovido pola Xunta de Galicia e o Clúster de Turismo ao abeiro do plan autonómico para reactivar o sector fronte ás graves consecuencias da COVID-19.

Entre a oferta ribeirense incluída figura un paquete concibido para coñecer Ribeira a través do Camiño A Orixe. Esta oferta turística está deseñada pola axencia de viaxes Fontao Travel e inclúe unha noite de aloxamento en A Teixoeira, así como a experiencia de percorrer o Camiño, coñecer a historia e as lendas asociadas aos lugares máis emblemáticos, iniciando a etapa no Faro de Corrubedo.

Tamén forman parte de #QuedamosEnGalicia diversos aloxamentos emprazados dentro do termo municipal como son o Hostal Balieiros (en Corrubedo), o Camping Ría de Arosa 2 (en Oleiros), o Camping Coroso e o Hotel Norat Palmeira Playa (ambos en Palmeira).