O alcalde de Noia, Santiago Freire, e máis o concelleiro de Obras, Martín Fernández Godón, visitaron esta semana o emprazamento onde está programado erguer, nos vindeiros meses, unha nova glorieta. Será o punto central da actuación do Concello de Noia para o remate da rúa República Arxentina, onde que conflúen até cinco vías.
Segundo fixeron saber, este proxecto “vai supoñer un ancheamento da vía, a renovación da capa de rodaxe con aglomerado en quente e a reorganización do tráfico rodado; ademais da execución de novas beirarrúas que aumentarán a seguridade dos viandantes”. O investimento total da actuación é de 95.000 Euros.
