O parking do Centenario xa é do Concello

30 Abril 2021
O alcalde Manuel Ruiz durante a súa visita ás instalacións do parking

Tras longas negociacións, o parking do Centenario xa é propiedade do Concello de Ribeira. Así o anunciou o alcalde Manuel Ruiz durante a súa visita ás instalacións situadas na praza do mesmo nome.
Ruiz Rivas aclarou que se ben o mantemento da infraestrutura corre dende hoxe a cargo do Concello, a xestión proseguirá de forma interina en mans dos administradores concursais por un prazo non superior aos dous meses: un período de transición concibido para, entre outras cuestións, buscar un acordo coas distintas partes implicadas (os propios administradores concursais, a inmobiliaria Proinsa e acredores como o Sareb) que permita liquidar o contrato e que a Corporación teña total liberdade á hora de elixir o futuro modelo de xestión do aparcamento.
Valoración actualizada
O paso máis inmediato neste sentido será a realización dunha valoración actualizada do estado do inmoble por parte dos técnicos municipais que poida servir de base para o devandito acordo. De non prosperar, o Concello optaría pola figura coñecida como ‘contrato de reemprazo’, que implicaría adxudicar o inmoble a un novo concesionario nas mesmas condicións.
Dunha forma ou doutra, hoxe a titularidade do parking xa é do Concello e dentro de dous meses como máximo tamén recalará na administración ribeirense a súa xestión.
O alcalde aproveitou a súa visita para charlar cos traballadores da instalación e expresou a súa satisfacción pois o aparcamento vai poder recobrar en breve un servizo de 24 horas os 365 horas do día.

O alcalde Manuel Ruiz durante a súa visita ás instalacións do parking

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...