O humorista Isi visita Porto do Son o vindeiro 8 de maio

Ao abeiro do Ciclo de Monólogos que percorre os nosos concellos, Porto do Son recibirá o vindeiro 8 de maio a visita do humorista, actor e presentador José Manuel Rodríguez Puente, tamén coñecido como Isi, artista natural da Estrada amais de ser unha das facianas máis coñecidas da TVG e de boa parte dos seus principais espectáculos (por exemplo SuperMartes, Air Galicia, Land Rober ou Todo queda na casa).

A cita (un monólogo no que Isi relata o seu día a día de maneira próxima e informal, tal e como nos ten acostumados) será como dixemos o 8 de maio. As entradas pódense adquirir a partir deste 26 de abril, na Casa da Cultura de Porto do Son, en horario de 12.00 a 14.00 horas. O Concello lembra ás persoas interesadas a obrigatoriedade de indicar no momento de mercar o tícket os datos de cada asistente (nome e teléfono).