O alcalde de Boiro, José Ramón Romero, fixo este 29 de abril unha visita institucional ao parque local de bombeiros, instalacións situadas no Parque Empresarial de Espiñeira. Alí, o rexedor explicou aos traballadores as actuacións previstas na contorna.
O alcalde aproveitou a visita para explicar o estado da tramitación das obras que o Concello vai levar a cabo para acondicionar unha finca e destinar ao depósito de vehículos. En concreto, habilitarase un espazo de 1.100 metros cadrados e que terá capacidade para uns cincuenta vehículos e co que se vai dar solución ao actual problema de espazo para a custodia de vehículos retirados.