O alcalde de Boiro, José Ramón Romero, e o tenente de alcalde, Luis Ruiz, reuníronse este 15 de abril co vicepresidente da Xunta de Galicia, Alfonso Rueda, e coa secretaria xeral de Administración Local, Natalia Prieto, para sentar liñas de traballo conxunto entre ambas as dúas administracións. De feito, o alcalde de Boiro propuxo na xuntanza algúns proxectos que se pretenden levar a cabo na localidade mediante as liñas de subvención convocadas dende Vicepresidencia.
Ademais, o alcalde e o tenente de alcalde presentáronlle ao vicepresidente outros proxectos nos que o Concello de Boiro está a traballar, co fin de comezar a buscar apoios nas demais administracións. José Ramón Romero sinalou que “a colaboración de todas as administracións é fundamental para poder realizar proxectos que son fundamentais para Boiro e para os veciños e veciñas”.
