Notábel mellora nos últimos días no Barbanza. A Pobra, que chegou a risco máximo, foi mellorando, iso si tras un longo tempo perimetrada, e xa está en risco medio, en laranxa.
Ribeira baixa catro positivos e pasa a 21 casos. A Pobra, Boiro, Rianxo, Noia, Muros e Dodro de 1 a 9 casos. O Son, Lousame e Outes non rexistran casos.
Por outra banda a capital Santiago sube sete casos e pasa a 20.
Os casos activos de covid en Galicia superan os 3.000 nunha xornada na que sobe a presión hospitalaria.
Os casos activos da covid-19 en Galicia volveron a crecer por quinta xornada consecutiva ata situarse nos 3.016 en total, o que significa exceder a barreira dos 3.000 por primeira vez desde o pasado 11 de marzo. Ademais, isto ocorre nunha xornada de repunte da presión hospitalaria cunha quincena de ingresados máis, ata alcanzar os 204.
