Noia Histórica forma o comercio local nos segredos das redes sociais

Esta semana deu comezo a actividade formativa sobre redes sociais organizada pola asociación empresarial Noia Histórica coa colaboración do Concello. Trátase dun curso sobre Facebook e Instagram Ads, dúas aplicacións moi indicadas para permitir que as empresas e os comercios locais fagan gala dos seus produtos e servizos, mellorando a súa visibilidade, incrementando mercados e chegando a máis clientes potenciais.

A iniciativa, impartida polo experto en nova comunicación e novas estratexias de mercadotecnia Javier Rocamora, está dirixida a persoas relacionadas coas redes sociais. Desenvólvese até este mércores 14 de abril en horario de tarde.

Como dixemos, a persoa encargada de impartir estes contidos será o experto en ecommerce e redes sociais Javier Rocamora, profesional das novas vertentes da xestión comercial, amais de consultor autónomo e formador especializado neste campo en concreto. Na iniciativa participan unha ducia de representantes do tecido produtivo local.