Este martes celebrouse no Casino de Noia a presentación do Campionato de Galicia Memorial Alejandro Gómez, un importante acontecemento deportivo de atletismo que cobre as categorías de 10.000 Absoluto e 5.000 Sub20 e Sub18 e que se vai celebrar na vila este sábado 24 de abril, nas pistas do Estadio Municipal de San Lázaro.
Ao acto, que se puido seguir en streaming a través de Youtube, asistiron a Concelleira de Deportes, Laura Salgado Garcia, o presidente da Federación Galega de Atletismo, Isidoro Hornillos, o presidente do Club Atletismo Noia (CAN), Luis Sanmartín, e Pedro Calvo, tamén do CAN, que foi o encargado do deseño do cartel da proba.
Segundo fixeron saber, tomarán a saída no campionato até medio cento de atletas, entre os que se atopan deportistas tan sobranceiras como Marta Casanova, Julia Vaquero ou Yolanda Gutiérrez.
