No Son destinarase ás parroquias máis de 1 millón de euros para recuperar os espazos naturais e o patrimonio

O Concello de Porto do Son destinará as parroquias do municipio máis de 1 millón de euros para, en parte, recuperar os espazos naturais e rehabilitar o patrimonio existente, como os lavadoiros ou fontes. O que se busca é estender o saneamento a todas as vivendas, recuperar zonas verdes e limpar montes e camiños tradicionais.

Luis Oujo, alcalde da localidade, sinalou ante os medios que “Porto do Son pretende ser un exemplo a seguir de como se deben recuperar os rueiros, xa que non se van empregar asfaltos e intentaranse utilizar materiais nobres”.

A maiores disto, xa hai actuacións en marcha. Un exemplo é o miradoiro de Caamaño, que se está a recuperar. O alcalde explicou que “destináronse máis de 30.000 euros para a renovación do miradoiro, pero que agora vaise ampliar a inversión un pouco máis”.