O Concello de Porto do Son realizará un curso de alimentación e hábitos saudábeis o próximo 20 de abril, en horario de 16:00 a 20:00 horas, na casa da Cultura da localidade.
O proxecto, conta coa colaboración da Escola Galega de Saúde para Cidadáns e depende da Consellería de Sanidade. Así, a charla estará impartida pola doutora Paula Sabela Rodríguez e dirixirase a coidadores, educadores, persoal sanitario, pacientes e cidadanía en xeral.
As inscricións son de balde, e deberán tramitarse do 12 ao 16 de abril a través do seguinte correo electrónico: jose.pazo@portodoson.gal. As prazas están limitadas e asignaranse por orde de chegada.
