Na parroquia de Nebra (Porto do Son) vaise celebrar estes días unha actividade formativa e para fomentar hábitos saudábeis entre a veciñanza, tan necesarios neste post-confinamento e nesta desescalada progresiva. Trátase dun curso de ioga, organizado pola Comunidade de Montes de Nebra.
Será unha actividade para grupos reducidos, co fin de garantir unha atención máis personalizada e, tamén, a seguridade sanitaria das e dos participantes. Desenvolverase cada venres en horario de 19.30 a 20.45 horas, no Local Veciñal de Nebra. Para máis información cómpre contactar cos teléfonos 600 701 101 e 659 060 548.
