O Grupo de Apoio e Emerxencias Municipal (GAEM) sofocou esta mañá un incendio forestal na zona da Fieiteira, na baixada cara á rúa Novoa Santos.
A rápida intervención permitiu que unicamente arderan uns 400 metros cadrados de masa arbolada. Ademais do GAEM e unha motobomba municipal, colaboraron nos traballos un axente forestal do Distrito 4, unha motobomba de distrito e unha patrulla da Policía Local.
