En Ribeira rematan as obras de mellora da avenida da Paz

Avenida da Paz

A Consellería de Infraestruturas e Mobilidade vén de rematar as obras de mellora do firme na avenida da Paz, no municipio de Ribeira.
A intervención, cun investimento autonómico de máis de 48.000 euros, levouse a cabo no treito da estrada autonómica PO-309 entre os puntos quilométricos 0+050 e 1+550, que se corresponden coa dita avenida.
Os traballos consistiron na rehabilitación do firme neste treito da estrada. A actuación completouse con accións de conservación da Xunta para poder acondicionar o pavimento de toda a súa lonxitude.
En concreto, fresáronse dúas cuñas triangulares na parte exterior de cada carril para dar encaixe á nova capa de rodadura.
Tamén se estendeu mestura bituminosa en quente como capa de rodadura sobre o firme existente.
A Xunta continúa traballando na mellora da estradas autonómicas coa fin de reforzar a seguridade viaria e mellorar as prestacións aos usuarios.