Un home de 81 anos diagnosticado con covid-19 que se atopaba hospitalizado en Vigo morreu nas últimas horas, segundo infoirmou o SERGAS. Con esta, son xa 2.386 as persoas falecidas en Galicia relacionadas coa pandemia de covid-19. O home, de 81 anos de idade, permanecía ingresado no hospital Álvaro Cunqueiro de Vigo e presentaba patoloxías previas.
Por outra banda continúa a vacinación fronte á Covid-19 na Área de Santiago de Compostela e Barbanza, con máis de 5.700 vacinas mañá xoves en: Hospital de Barbanza: 250 (de 70 a 79 anos); Cidade da Cultura: Unhas 3.500 (60 a 65 anos, e de 70 a 79 anos); Hospital Clínico: 550 (maioritariamente a persoas de máis de 80 anos) e Hospital de Conxo: 400 (de 80 ou mais anos)
En todos os centros de saúde e nos domicilios preto de 1.000 a maiores de 80 anos. Na área sanitaria de Santiago de Compostela e Barbanza lévanse administradas 168.692 vacinas fronte á Covid-19 ata onte 27 de abril.
