Detido un veciño de Rianxo por subtraer o bolso a mulleres maiores

A Garda Civil detivo a un home veciño do municipio coruñés de Rianxo como presunto autor de cinco delitos de roubo –por subtraer o bolso a mulleres maiores– e dúas de furto no marco da denominada ‘Operación Labras’.

Esta operación iniciouse por mor da comisión de varios roubos con violencia ocorridos en datas recentes na localidade coruñesa da Pobra do Caramiñal, os cales “xeraron gran alarma social entre a poboación”, destacou.

O indiviudo seleccionaba á vítima que eran sempre mulleres de avanzada idade, ás que arrebataba o bolso co obxectivo de apoderarse do diñeiro que houbese no seu interior. Nalgún dos casos provocou a caída da vítima, a cal precisou asistencia médica debido ás lesións causadas na caída.

No transcurso da investigación os axentes solicitaron información que vinculaba ao detido co furto no interior dunha vivenda da cal subtraeu varios obxectos valorados en máis de 3.000 euros, así como coa comisión dun furto no interior dun vehículo ocorrido a pasada fin de semana nesta localidade.

Unha vez realizouse a identificación plena do autor dos ilícitos, a Garda Civil procedeu á súa detención como presunto autor de cinco delitos roubo con violencia e dous delitos de furto. Ademais, recuperou parte dos obxectos subtraídos na vivenda e o vehículo, os cales foron reintegrados aos seus propietarios.

O detido, xunto coas actuacións realizadas, foi posto ao dispor do Xulgado de Instrución número 3 de Ribeira, que decretou o seu ingreso en prisión sen fianza.