O Concello de Boiro, a través do departamento de Turismo, quere dar a coñecer o territorio, a historia e a cultura do termo municipal a través das persoas que máis e mellor o territorio, a historia e a cultura de Boiro: as persoas maiores do concello. Con este motivo, impulsou unha nova edición de Paséate con nós, o programa de visitas guiadas desenvolvidas por persoas xubiladas do municipio.
O Goberno local confirmou que para promover esta iniciativa, posta en marcha en 2006 co obxectivo de mobilizar a participación das persoas maiores no desenvolvemento turístico de Boiro, realizáronse unha serie de vídeos promocionais. Trátase dunha serie de reclamos nos que un grupo de persoas voluntarias descobren aos visitantes atractivos locais como poden ser o marisqueo, o cultivo de mexillón a elaboración de nasas, o traballo nun estaleiro ou o funcionamento dun muíño de río.
As persoas que participan nesta actividade e que estiveron na presentación dos vídeos Leopoldo Fernández, Enrique Vázquez, Marisa Rodríguez e Nita. O concelleiro de Turismo, Raúl Treus, agradeceu a labor desinteresada que levan facendo durante estes 15 anos. “O obxectivo destes vídeos promocionais é chegar máis alá con esta iniciativa e que calquera poda coñecer o labor desinteresado que fan estas persoas e aprender dos seus coñecementos sobre cada oficio”, afirmou.
Toda a información sobre o programa na Oficina de Turismo do Concello de Boiro.
