O salón de plenos do consistorio ribeirense foi testemuña esta mañá da firma do contrato do novo Auditorio Municipal. A infraestrutura será executada pola UTE formada pola Xestión Ambiental de Contratas, S.L., e Prace Servicios y Obras, S.A., cun prazo de execución de 15 meses e un investimento de 3.977.964,69 euros.
O alcalde Manuel Ruiz e Fernando Guillermo Iturralde García-Diego en representación da citada unión de empresas foron os encargados de facer oficial o acordo. “No primeiro verán pospandemia poidamos inaugurar esta infraestrutura” , declarou o alcalde ribeirense.
O proxecto non só será cun expoñente da nova arquitectura en Ribeira senón que leva aparellado unha transformación urbana na zona onde se vai a ubicar, especialmente na praza do Centenario. Así, o novo Auditorio deseñouse co fin de ser un centro xerador de actividade propia de Ribeira, así como as súas dimensión o sitúan dentro dos Auditorio de gran formato de Galicia.
O Auditorio ofrecerá 4 ámbitos de actuación escénica: a Sala Principal do Auditorio, a Sala Polivalente, a aula de Ensaios e o Vestíbulo. O edificio estará composto de dúas plantas sobre rasante, unha planta semisoto e un soto. Doutra banda, a infraestrutura preséntase como dous grandes volumes que se relacionan a través dun gran baleiro e
o vestíbulo.
Antonio Pons Canellas, Anna Gorrochategui Matas e Bernat Pons Vidal son os arquitectos que, baixo o título Choiva, pedra e cristal, redactaron o proxecto do novo Auditorio de Ribeira.
